اداکارہ ماہرہ خان نے کہا ہے کہ ان کے نزدیک دنیا میں کوئی بھی شخص مکمل طور پر سیلف میڈ نہیں ہوسکتا اس کے پیچھے ہمیشہ خاندان، دوستوں اور دیگر لوگوں کا تعاون شامل ہوتا ہے۔
سوشل میڈیا پر وائرل ایک ویڈیو میں ایک تقریب کے دوران سوال کے جواب میں اداکارہ نے کہا کہ سیلف میڈ صرف کہنے کی حد تک اچھا لگتا ہے، لیکن حقیقت میں ایسا کچھ نہیں ہوتا۔
مشہور فلم ہم ساتھ ساتھ ہیں کو رد نہیں کیا، مادھوری
انہوں نے واضح کیا کہ وہ اپنی کامیابی کا سہرا اپنے والدین، بھائی، بیٹے، دوستوں اور ساتھ کام کرنے والے افراد کو دیتی ہیں اگر یہ سب ان کو سپورٹ نہ کرتے تو آج وہ ایک اسٹار نہ ہوتیں۔
اداکارہ کے مطابق سیلف میڈ کا تصور حقیقت سے زیادہ ایک خوبصورت خیال ہے،ماہرہ نے کہا کہ ہر فرد کسی نہ کسی کی مدد اور سہارے کے ذریعے ہی کامیابی حاصل کرتا ہے کوئی بھی تنہا دنیا میں بڑا مقام یا کامیابی حاصل نہیں کر سکتا۔