نئی دہلی: بالی ووڈ کی سینئر اداکارہ سندھیا شنتا رام طویل علالت کے بعد 94 سال کی عمر میں انتقال کر گئیں۔
غیر ملکی خبر رساں ایجنسی کے مطابق بالی ووڈ اداکارہ سندھیا شنتارام مراٹھی اور ہندی سینما کا ایک بڑا نام تھیں۔ اور انہیں کلاسیکل رقص پر بھی عبور حاصل تھا۔
سندھیا شنتارام کو جاندار اداکاری اور کلاسیکل رقص کے باعث بھارت بھر میں پذیرائی ملی اور دیکھتے ہی دیکھتے وہ مداحوں کے دلوں میں گھر کر گئیں۔
سینئر اداکارہ کو فلم ’پنجرہ‘ سے وہ لازوال شہرت ملی جو آج بھی فلم بینوں کو اپنا گرویدہ بنائے ہوئے ہے۔ پنجرہ کے علاوہ سندھیا شنتارام نے ’جھنک جھنک پائل باجے‘ اور ’دو آنکھیں بارہ ہاتھ‘ جیسی ناقابل فراموش فلموں میں کام کیا۔
سندھیا شنتا رام عمر رسیدگی کے باعث کمزوری، نقاہت اور مختلف بیماریوں کا شکار تھیں۔ انہوں نے متعدد فلمی ایوارڈ بھی اپنے نام کیے۔
یہ بھی پڑھیں: میرے بیٹے کے چھوٹے سوال نے میری زندگی پر گہرا اثر چھوڑا ، کاجول
وہ معروف فلم ساز وی شنتارام کی اہلیہ بھی تھیں۔ اعلیٰ حکومتی حکام، شوبز شخصیات اور مداحوں کی ان کی رحلت پر دکھ کا اظہار کیا۔