پاکستان کی سپر اسٹار اداکارہ ماہرہ خان نے ٹیلی وژن اسکرین پر واپسی کا عندیہ دے دیا ہے، جس سے ان کے مداحوں میں خوشی کی لہر دوڑ گئی ہے۔
ماہرہ خان ان دنوں ہم ایوارڈز 2025 میں شرکت کے لیے امریکا کے شہر ہیوسٹن میں موجود ہیں۔ اس دوران انہوں نے اپنی آنے والی فلم ’نیلوفر‘ کے شاندار ٹیزر کے اجرا کے بعد سوشل میڈیا پلیٹ فارم ایکس پر مداحوں کے ساتھ ایک سوال و جواب کا سیشن کیا۔
اس سیشن میں جہاں انہوں نے فلم سے متعلق بات کی، وہیں مستقبل کے منصوبوں اور ٹی وی پر دوبارہ کام کرنے کے حوالے سے بھی اہم انکشافات کیے۔
جب ایک مداح نے اُن سے پوچھا کہ وہ کب دوبارہ ٹی وی ڈراموں میں نظر آئیں گی تو ماہرہ نے جواب دیا کہ مجھے پتا ہے، مجھے آنا چاہیے، میں کسی ایسے کردار کا انتظار کر رہی ہوں جو اب تک نہیں کیا۔
I know I know.. I must. Waiting for something I haven’t attempted before to come back to Tv
— Mahira Khan (@TheMahiraKhan) October 12, 2025
ان کے اس مختصر مگر پُراثر جواب نے واضح کر دیا کہ وہ کسی منفرد اور چیلنجنگ کردار کی تلاش میں ہیں، اور جیسے ہی انہیں ایسا کردار پیش کیا گیا، وہ اسکرین پر واپسی کریں گی۔
اسی سیشن میں ایک اور مداح نے پوچھا کہ کیا ’نیلوفر‘ ان کے کیریئر کا سب سے مشکل کردار تھا؟ اس پر ماہرہ نے جذباتی انداز میں کہا کہ نہیں، لیکن سب سے پاکیزہ، سب سے میٹھا، ریحانہ اس دنیا کی نہیں ہے۔ ریحانہ، تم یاد آتی ہو۔
No.. but the purest. The sweeetest. She doesn’t belong from this world.
Misss you Rehana. So much love ♥️
— Mahira Khan (@TheMahiraKhan) October 12, 2025
فلم ’نیلوفر‘ میں ماہرہ ایک نابینا خاتون کا کردار ادا کر رہی ہیں، جو ان کے مطابق ان کے لیے بہت خاص کردار ہے۔
ماہرہ خان اور فواد خان ایک بار پھر فلم ’نیلوفر‘ میں ایک ساتھ جلوہ گر ہو رہے ہیں، جسے عمار رسول نے تحریر و ڈائریکٹ کیا ہے جبکہ پروڈکشن یوسف شارق نے کی ہے۔
فلم میں ان کے ساتھ مدیحہ امام، ثروت گیلانی، بہروز سبزواری، عتیقہ اوڈھو، گوہر رشید، فیصل قریشی اور دیگر کئی بڑے فنکار شامل ہیں۔
Dance koroge meray saath? #Neelofar pic.twitter.com/EpImMJg5Kl
— Mahira Khan (@TheMahiraKhan) October 12, 2025
’نیلوفر‘ 28 نومبر 2025 کو دنیا بھر کے سینماؤں میں نمائش کے لیے پیش کی جائے گی، اور شائقین اس فلم کے حوالے سے بے حد پُرجوش نظر آ رہے ہیں۔