پی ایم اینڈ ڈی سی نے یونیورسٹیوں کو ہدایت جاری کرتے ہوئے کہا ہے کہ ایم ڈی کیٹ 2025 کے پیپرز کا پری ہاک تجزیہ لازمی قرار دیا جائے۔
ایم ڈی کیٹ 2025 کا امتحان 26 اکتوبر کو منعقد ہوگا جس کے امتحان کے لیے 1 لاکھ 40 ہزار 125 امیدوار رجسٹرڈ ہوئے ہیں، ملک بھر میں 35 امتحانی مراکز قائم کئے گئے ہیں اور ایک بین الاقوامی مرکز ریاض میں ہوگا۔
سندھ میں نویں سے بارہویں جماعت تک نیا گریڈنگ سسٹم تیار ، پاسنگ مارکس بڑھا دیئے گئے
ایم ڈی کیٹ ( MDCAT ) امتحان یونیورسٹیوں کے ذریعے لیا جائے گا اس امتحان کا پی ایم اینڈ ڈی سی براہِ راست منتظم نہیں ہوگا، پی ایم اینڈ ڈی سی نے امتحانی پالیسی اور ڈھانچہ یونیورسٹیوں کو فراہم کر دیا ہے۔
تمام امتحان لینے والی یونیورسٹیوں کو نیشنل آئٹم بینک تک رسائی دی گئی ہے جبکہ یونیورسٹیوں پر پیپر سیٹنگ، ڈویلپمنٹ اور پرنٹنگ کے دوران پی ایم اینڈ ڈی سی کے معیارات کی پابندی کرنا لازمی ہوگا۔
متحدہ عرب امارات کے تعلیمی اداروں میں چھٹیوں کا اعلان
یونیورسٹیوں سے کہا گیا ہے کہ سوالیہ پرچوں کا پری ہاک تجزیہ کر کے نصاب سے باہر سوالات کو ختم کریں جبکہ یونیورسٹیاں سوالیہ پرچوں کی رازداری سختی سے برقرار رکھیں گی۔
پرچے صرف سرکاری گواہوں کی موجودگی میں کھولے جائیں گے اور ایم ڈی کیٹ کے لیے ایڈمٹ کارڈز امتحان سے سات دن قبل امیدواروں کو جاری کیے جائیں گے، یونیورسٹیاں امتحان کے سات دن کے اندر نتائج کا باضابطہ اعلان کریں گی۔