حیدر آباد میں سرکاری و نجی تعلیمی اداروں میں آج تعطیل کا اعلان کر دیا گیا۔
تعلیمی اداروں میں چھٹی کا فیصلہ حیدر آباد میں موسلادھار بارش کے باعث شہر کی اہم شاہراہیں اور نشیبی علاقے زیر آب آنے کی وجہ سے کیا گیا۔
لطیف آباد، قاسم آباد، تعلقہ حیدرآباد، ہالہ، نیو سعید آباد، بھٹ شاہ اور گرد و نواح میں وقفے وقفے سے کہیں تیز اور کہیں موسلا دھار بارش ہوئی جس کی وجہ سے نشیبی علاقے زیر آب آ گئے۔
محکمہ تعلیم سندھ نے کل عام تعطیل کا اعلان نہیں کیا، ترجمان
حیدر آباد کے علاقے قاسم آباد، سٹیزن کالونی، ٹھنڈی سڑک سمیت دیگر علاقوں میں بھی تیز بارش کی وجہ سے سڑکوں پر پانی جمع ہو گیا، اس صورتحال کو مدنظر رکھتے ہوئے تعلیمی اداروں میں تعطیل کا اعلان کیا گیا ہے۔
آج مٹیاری میں بھی نجی و سرکاری تعلیمی اداروں میں چھٹی دی گئی ہے،تعلیمی اداروں میں چھٹی کا نوٹیفکیشن بھی جاری کر دیا گیا ہے۔