پنجاب کے پبلک اورپرائیویٹ میڈیکل اینڈڈینٹل کالجز کیلئے ایڈمشن پالیسی کی منظوری دے دی گئی۔
وزیر اعلیٰ پنجاب مریم نواز کی زیر صدارت خصوصی اجلاس میں محکمہ صحت سے متعلق اہم فیصلے کئے گئے، پنجاب کے پبلک اورپرائیویٹ میڈیکل اینڈڈینٹل کالجز کیلئے ایڈمشن پالیسی کی منظوری بھی دی گئی۔
سرکاری میڈیکل کالجز میں داخلے کیلئے ایم ڈی کیٹ ٹیسٹ پاس کرنا ضروری قرار دیا گیا ہے، اوورسیز پاکستانیزکے بچوں کیلئے ایم ڈی کیٹ میں 10ہزار ڈالر فیس مقرر کرنے کا فیصلہ کیا گیا ہے۔
پرائیویٹ میڈیکل کالج لسٹ میں نام آنے پر امیدوار کو یونیورسٹی آف ہیلتھ سائنسز میں ایک تہائی فیس جمع کرانا ہوگی، پرائیویٹ میڈیکل اینڈ ڈینٹل کالجزکی حتمی میرٹ لسٹ آنے کے بعد یو ایچ ایس متعلقہ کالج کو جمع شدہ ایک تہائی فیس ٹرانسفر کردے گی۔
اساتذہ کے تبادلوں کیلئے 13 ہزار 290 درخواستیں موصول
داخلے کے خواہشمند طلبہ حتمی میرٹ لسٹ آنے پر متعلقہ پرائیویٹ میڈیکل اینڈ ڈینٹل کالج میں ہی باقی فیس جمع کرائیں گے،پرائیویٹ اسپتالوں میں پوسٹ گریجویٹ ٹریننگ کے بعد لازمی سروس کی باہمی تجویز پر اتفاق کیا گیا۔
اجلاس میں فیصلہ کیا گیا کہ سپیشلسٹ کی مانگ کے مطابق ٹرینی ڈاکٹر کوپرائیویٹ میڈیکل کالجز کے متعلقہ شعبے میں سپیشلائزیشن کیلئے بھیجا جائے گا۔
وزیراعلیٰ مریم نواز نے ساہیوال میں پہلی کامیاب انجیو پلاسٹی پر اظہار مسرت کیا، انہوں نے ساہیوال کے کارڈیک مرکزمیں سرجری کے آغازکو خوش آئند قراردیا،
وزیراعلیٰ نے میو ہسپتال کو ابلیشن سینٹر میں مریضوں کے علا ج کیلئے فول پروف اورشفاف طریقے کار وضع کرنے اور کینسر کے مریضوں کو ہر صورت ریلیف دینے کی ہدایت کی۔
اجلاس میں پنجاب میں نئے میڈیکل کالج کی الگ بلڈنگ بنانے کے بجائے سرکاری یونیورسٹیوں میں ہی میڈیکل بلاک بنانے کی تجویز پر اتفاق کیا گیا، وزیراعلیٰ مریم نوازنے پنجاب کے مختلف اداروں کے بورڈ آف مینجمنٹ کی منظوری بھی دی۔
پنجاب کے سیلاب متاثرہ علاقوں کے طلبہ کیلئے خصوصی پیکیج ، ایک سمسٹر کی فیس معاف
مریم نواز نے کہا کہ پنجاب کے ہر اسپتال میں غریب مریض کو روپیہ خرچ کیے بغیر علاج کی سہولت ملنی چاہیے، چاہتی ہوں کہ کینسر کے ہر مریض کا علاج ممکن بنایا جائے۔اس موقع پر وزیراعلیٰ نے نواز شریف میڈیکل سٹی کے جلد قیام کے لئے ضروری اقدامات کرنے کی ہدایت بھی کی۔