پنجاب حکومت نے وزیر اعلیٰ ہونہار انڈر گریجویت اسکالرشپ پروگرام 2025 کے تحت 30 ہزار نئی اسکالر شپس دینے کا اعلان کردیا۔
وزیر اعلیٰ ہونہار انڈر گریجویٹ اسکالرشپ کے تحت طلبہ کی مکمل ٹیوشن فیس ادا کی جائے گی، جس سے کم اور متوسط آمدنی والے گھرانوں کے ہزاروں طلبہ کو فائدہ پہنچے گا۔
حکام کے مطابق اس پروگرام کا مقصد نوجوانوں کو طب، سائنس، آرٹس اور دیگر شعبوں میں اپنی تعلیمی خواہشات پوری کرنے کا موقع فراہم کرنا ہے۔
سیلاب کی تباہ کاریاں ، چھٹیوں میں مزید توسیع متوقع
اہلیت کے مطابق امیدواروں نے ایف اے، ایف ایس سی یا آئی سی ایس میں کم از کم 70 فیصد نمبر حاصل کئے ہوں، پنجاب کا ڈومیسائل رکھتے ہوں اور ان کے خاندان کی ماہانہ آمدنی ساڑھے 3 لاکھ 50 ہزار سے زیادہ نہ ہو۔
اسکالر شپس کی درخواست دینے کے لئے طلبہ کو پنجاب ہائر ایجوکیشن کمیشن کے پورٹل (PHEC) پر آن لائن اپلائی کرنا ہوگا، کاغذی درخواست کو قبول نہیں کیا جائے گا، درخواست جمع کرانے کی آخری تاریخ 15 ستمبر 2025 مقرر کی گئی ہے۔