خیبرپختونخوا کے اسکولوں میں داخلے بڑھانے اور معیاری تعلیم کیلئے علم پیکٹ پروگرام کا اجرا کر دیا گیا۔
محکمہ تعلیم خیبرپختونخوا کے مطابق 8 اضلاع کے 80 ہزار بچوں کو اسکولوں میں ڈالا جائے گا، ان اضلاع میں بٹگرام، مانسہرہ، صوابی، بونیر، شانگلہ، خیبر، مہمند اور ڈیرہ اسماعیل خان شامل ہیں۔
پروگرام کے تحت منتخب اضلاع کے اسکولوں میں اساتذہ کو تربیت بھی دی جائے گی۔ وزیراعلیٰ خیبرپختونخوا علی امین گنڈا پور نے کہا ہے کہ پروگرام کے تحت، بچیوں، غریب بچوں اور اقلیتی بچوں پر خاص توجہ دی جائے گی۔
پشاور کے سرکاری اسکولوں کی میٹرک سالانہ امتحانات میں ناقص کارکردگی
انہوں نے کہا کہ اسکولوں میں بچوں کو سہولیات دینے کیلئے درکار فنڈز بھی فراہم کر دیئے ہیں، رواں سال کے بجٹ میں تعلیمی ایمرجنسی لگائی ہے۔
وزیراعلیٰ نے کہا کہ رواں مالی سال کے دوران بجٹ کا 21 فیصد ابتدائی و ثانوی تعلیم کیلئے رکھا ہے، تعلیمی سال کے دوران 10 لاکھ بچوں کوا سکولوں میں داخل کرانے کا ہدف مقرر ہے۔