لاہور، پنجاب پولیس کے پائلٹ پراجیکٹ ’’تحفظ درسگاہ‘‘ کے ٹرانسجینڈر طالبعلم عبدالرحمٰن نے انٹرمیڈیٹ پارٹ ون کے امتحان میں شاندار کامیابی حاصل کرلی۔
عبدالرحمٰن نے 70 فیصد نمبر لے کر اپنی صلاحیتوں کا لوہا منوایا اس کامیابی پرانسپکٹر جنرل پنجاب پولیس عثمان انور نے عبدالرحمٰن کو شاباش دیتے ہوئے کہا کہ یہ کامیابی نہ صرف طالبعلم کے عزم و محنت کی عکاس ہے بلکہ ’’تحفظ درسگاہ‘‘ جیسے فلاحی منصوبے کی افادیت کا بھی ثبوت ہے۔
آئی جی پنجاب نے کہا کہ ’’تحفظ درسگاہ‘‘ بے گھر اور لاوارث ٹرانسجینڈر بچوں کے لیے ایک محفوظ اور روشن مستقبل کی علامت ہے۔
یہاں انہیں رہائش، کھانا، تعلیم اور تربیت فراہم کی جاتی ہے تاکہ وہ معاشرے کے مفید شہری بن سکیں۔
عثمان انور کا کہنا تھا کہ پنجاب پولیس کا یہ پراجیکٹ سماجی ہم آہنگی اور مساوات کے فروغ میں اہم کردار ادا کر رہا ہے۔
حکومت کا خصوصی ویزا پروگرام شروع کرنے کا فیصلہ
انہوں نے مزید کہا کہ عبدالرحمٰن جیسے طلبہ کی کامیابیاں اس بات کا ثبوت ہیں کہ مواقع فراہم کیے جائیں تو کوئی بھی طبقہ پیچھے نہیں رہتا۔