پاکستان سٹاک ایکسچینج میں انڈیکس نے ایک بار پھر ایک لاکھ 66 ہزار کی حد عبور کر لی جبکہ تبادلہ مارکیٹ میں روپے کے مقابلے میں ڈالر بھی سستا ہو گیا۔
کاروباری ہفتے کے چوتھے روز سٹاک مارکیٹ میں کاروبار کا مثبت آغاز ہوا ، کاروبار شروع ہوتے ہی 100 انڈیکس میں 980 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 66 ہزار 246 پوائنٹس پر ٹریڈ کرتے دیکھا گیا۔
گزشتہ روز سٹاک مارکیٹ میں کاروبار کے دوران اتار چڑھائو کا سلسلہ جاری رہا تھا جس کی وجہ سے انڈیکس ایک لاکھ ، 66 ہزار کی سطح سے نیچے آ گیا تھا۔
دوسری جانب انٹربینک میں ڈالر کی قیمت میں بھی کمی ریکارڈ کی گئی ہے۔
ایکسچینج کمپنیز ایسوسی ایشن کے مطابق ڈالر10 پیسے سستا ہونے کے بعد انٹر بینک میں 281 روپے 11 پیسے کا ہو گیاہے۔