ایس آئی ایف سی کی کوششوں کے نتیجے میں خطے میں پاکستان کے تجارتی اور معاشی تعلقات مستحکم ہو رہے ہیں، اور اسی سلسلے میں عمان ایوانِ صنعت و تجارت کی جانب سے مسقط میں عمان-پاکستان کاروباری فورم کا انعقاد کیا گیا۔
اس کاروباری فورم میں اعلیٰ حکام، سفارتکار اور کاروباری رہنماؤں نے شرکت کی اور مشترکہ سرمایہ کاری کے مواقع پر بات چیت کی۔
فورم میں نجی شعبے میں باہمی تعاون اور سرمایہ کاری کے فروغ پر خاص زور دیا گیا۔
فوڈ سیکیورٹی، آئی ٹی، تعلیم، کپڑا سازی اور صحت کے شعبوں کو تعاون کے لیے نمایاں قرار دیا گیا، جبکہ سیاحت، تعمیرات، گاڑیوں کی صنعت اور کھیلوں کے سامان میں شراکت داری کے مواقع بھی اجاگر کیے گئے۔
ایس آئی ایف سی کی معاونت سے پاکستان دوطرفہ تعاون اور سرمایہ کاری کو فروغ دینے کی راہ پر گامزن ہے۔