متحدہ عرب امارات میں عانی (Aani) پلیٹ فارم کے ذریعے اب صرف موبائل نمبر استعمال کرتے ہوئے 10 سیکنڈ کے اندر رقم بھیجی یا وصول کی جا سکتی ہے،اس کے لیے بینک اکاؤنٹ نمبر یا آئی بی اے این (IBAN) دینے کی ضرورت نہیں ہوگی، یہ سہولت “عانی” (Aani) پلیٹ فارم کے ذریعے فراہم کی گئی ہے۔
عانی پلیٹ فارم کے ذریعے صرف فون نمبر کے ذریعے رقم منتقل کرنے کی سہولت ہے، بل کو آسانی سے دوستوں کے ساتھ تقسیم کرنے کی سہولت، دکانوں اور ریسٹورنٹ میں کیو آر (QR) کوڈ کے ذریعے ادائیگی کا فیچر اور ادائیگی کی درخواستوں کو منظم کرنے کا اختیار، جیسے زیر التواء درخواست کو قبول یا مسترد کرنا۔
یہ سروس صرف یو اے ای کے اندر کام کرتی ہے اور فی الحال 30 سے زائد بینکوں اور مالیاتی اداروں نے اس میں شمولیت اختیار کی ہے، جن میں ADCB، Emirates NBD، Dubai Islamic Bank، Mashreq، HSBC، Al Ansari Exchange اور دیگر شامل ہیں۔
عانی کو استعمال کرنا آسان ہے اس کے لئے صارفین اپنی بینک کی موبائل ایپ کے ذریعے عانی میں رجسٹر کریں، یہاں اکاؤنٹ منتخب کرنے، ایمریٹس آئی ڈی، موبائل نمبر اور لاگ ان تفصیلات فراہم کرنے کو کہا جائے گا۔ بینک کی جانب سے ای میل یا نوٹیفکیشن کے ذریعے تصدیق ملنے کے بعد آپ عانی استعمال کر سکیں گے۔
فیس (Charges) ہر بینک یا مالیاتی ادارہ اپنی پالیسی کے مطابق طے کرے گا، یہ سہولت صرف ان صارفین کے لیے ہے جن کا اکاؤنٹ کسی رجسٹرڈ بینک یا ادارے میں موجود ہے، اس کے لیے یا تو متعلقہ بینک کی موبائل ایپ استعمال کی جا سکتی ہے یا پھر عانی ایپ (iOS اور اینڈرائیڈ پر دستیاب) ڈاؤن لوڈ کی جا سکتی ہے۔ ہر لین دین میں زیادہ سے زیادہ 50 ہزار درہم بھیجے جا سکتے ہیں، یہ سہولت صرف ان صارفین کے لیے دستیاب ہے جو کسی لائسنس یافتہ بینک یا مالیاتی ادارے کے ساتھ اکاؤنٹ رکھتے ہیں۔