یکم اگست سے پیٹرولیم مصنوعات کے قیمتوں میں کمی توقع

یکم اگست سے پٹرولیم مصنوعات کی قیمتوں میں9روپے7پیسےتک کمی متوقع ہے۔

ذرائع کے مطابق پٹرول کی ایکس ریفائنری قیمت میں9روپے7پیسےکمی ریکارڈ کی گئی ہے،ڈیزل کی ایکس ریفائنری قیمت میں3 روپے73پیسے کمی ریکارڈ ہوئی ہے پٹرول کی فی بیرل قیمت75.27ڈالر سے کم ہو کر73.19 ڈالر پر آگئی ہے۔

پٹرولیم پرپریمیم فی بیرل9.61ڈالر سے کم ہو کر6.74ڈالر پر آگیا، کسٹم ڈیوٹی15روپے33پیسے سے کم ہو کر 14روپے 29پیسے پر آگئی ہے، پٹرول کی ایکس ریفائنری قیمت 168روپے 73پیسے سے کم ہوکر 159روپے 66پیسے ریکارڈ کی گئی ہے۔

ذرائع کا کہنا ہے کہ ایکسچینج ریٹ ایڈجسٹمنٹ شامل کرکے پٹرولیم قیمتیں مزید کم ہو سکتی ہیں قیمتوں کے تعین کی حتمی ورکنگ اور 31 جولائی کو وزارت خزانہ کو بھجوائے گا ۔

وزارت خزانہ ریونیو اہداف کو مدنظر رکھتے ہوئے فیصلہ کرے گی، وزیر اعظم کی منظوری کے بعد وزارت خزانہ کی جانب سے نوٹیفیکیشن جاری ہوگا پٹرولیم مصنوعات پر لیوی بڑھانے کی صورت میں بھی عوام کو ریلیف نہیں ملے گا ۔