انٹربینک میں کاروبار کے آغاز پر ڈالر سستا ہوگیا۔ ایکسچینج کمپنیز ایسوسی ایشن پاکستان کے مطابق انٹربینک میں ڈالر7 پیسے سستا ہوا ہے اورانٹربینک میں ڈالر 283 روپے 60 پیسے پرٹریڈ ہورہا ہے۔
واضح رہے گزشتہ روز ڈالر کی قدر میں چھ پیسے کا اضافہ ہوا تھا جبکہ پاکستان اسٹاک مارکیٹ میں کاروبارمیں منفی رجحان کے باعث سرمایہ کاروں کے اربوں روپے ڈوب گئے تھے۔
گزشتہ روز کاروبار کے آغاز پر سٹاک مارکیٹ میں تیزی دیکھی گئی اور 600 سے زائد پوائنٹس کے اضافے کے ساتھ 100 انڈیکس ایک لاکھ 23 ہزار 417 پوائنٹس کی سطح پر پہنچ گیا۔
بعدازاں ٹریڈنگ کے دوران مارکیٹ میں اچانک مندی چھاگئی،اور کاروبار کے اختتام پر100 انڈیکس 715 پوائنٹس کی کمی کے ساتھ ایک لاکھ 22 ہزار 46 پوائنٹس کی سطح پر بند ہوا۔