پاکستان سٹاک ایکسچینج میں استحکام برقرار رہا اور انڈیکس نے ایک بار پھر 149,000 پوائنٹس کی حد عبور کر لی، جبکہ تبادلہ مارکیٹ میں ڈالر کی قیمت بھی کم ہوئی ہے۔
کاروباری ہفتے کے دوسرے روز اسٹاک ایکسچینج میں مثبت آغاز ہوا اور کاروبار کے آغاز میں ہی 100 انڈیکس میں 386 پوائنٹس کا اضافہ ریکارڈ کیا گیا، جس سے انڈیکس 149,201 پوائنٹس پر پہنچ گیا۔
گزشتہ روز بھی ہنڈریڈ انڈیکس نے 149,000 کی حد عبور کی تھی، تاہم دن کے اختتام پر منفی زون میں آ گیا تھا۔
دوسری جانب انٹر بینک میں ڈالر کی قیمت میں کمی ہوئی، ایکسچینج کمپنیز ایسوسی ایشن کے مطابق 10 پیسے کی کمی سے ڈالر کی قیمت 281 روپے 78 پیسے ہو گئی ہے۔