پاکستان اسٹاک ایکسچینج میں مسلسل تیزی کے نتیجے میں انڈیکس ملکی تاریخ کی نئی بلند ترین سطح پر جا پہنچا، جبکہ تبادلہ مارکیٹ میں ڈالر کی قیمت میں کمی دیکھنے میں آئی۔
کاروباری ہفتے کے آخری روز مارکیٹ میں زبردست تیزی رہی اور آغاز ہی پر ہنڈریڈ انڈیکس میں 1073 پوائنٹس کا اضافہ ریکارڈ ہوا، جس کے بعد انڈیکس 1 لاکھ 53 ہزار 739 پوائنٹس کی سطح پر ٹریڈ کرتا رہا۔
گزشتہ روز بھی ہنڈریڈ انڈیکس نے 1 لاکھ 53 ہزار کی حد عبور کی تھی لیکن بعد میں منفی زون میں بند ہوگیا تھا۔
دوسری جانب انٹر بینک میں ڈالر کی قیمت میں کمی کا سلسلہ جاری ہے، ایکسچینج کمپنیزایسوسی ایشن کے مطابق انٹر بینک میں 10 پیسے سستا ہونے کے بعد ڈالر کی قیمت 281 روپے 57 پیسے پر آ گئی ہے۔