لاہور، پشاوراور ملتان میں مرغی کی قیمت میں بڑا اضافہ ہو گیا۔ پشاورمیں ایک ہفتے کے دوران مرغی85 روپے فی کلو مہنگی ہو گئی۔ سرکاری نرخنامے میں زندہ مرغی کی فی کلو قیمت 355 سے بڑھ کر 440 روپے ہو گئی ہے۔
لاہور میں زندہ مرغی کی قیمت میں 26 روپےجبکہ گوشت کی قیمت میں 38 روپے فی کلوکا اضافہ ہوا ہے۔
لاہور میں زندہ برائلر مرغی کا فی کلو تھوک ریٹ 354 روپے جبکہ پرچون ریٹ 368 روپے کلو مقرر کیا گیا ہے۔
لاہور میں برائلر مرغی کے گوشت کی قیمت 533 روپے کلو مقرر کی گئی ہے جبکہ انڈے فی درجن 251 روپے ہیں۔
گزشتہ روز لاہور میں برائلر مرغی کا تھوک ریٹ 328 روپے جبکہ پرچون ریٹ 342 روپے فی کلو تھا، گوشت کی فی کلو قیمت 495 روپے کلو تھی۔
ملتان میں زندہ مرغی کی قیمت میں 32 روپے جبکہ گوشت کی قیمت میں 45 روپے کلوکا اضافہ ہوا ہے۔
ملتان میں زندہ برائلر مرغی کا تھوک ریٹ 354 روپے جبکہ پرچون ریٹ 368 روپے کلو مقرر کیا گیا ہے، برائلر مرغی کے گوشت کے نرخ 530 روپےفی کلو مقرر کیے گئے ہیں جبکہ انڈے 241 روپے درجن ہیں۔
گزشتہ روز ملتان میں زندہ برائلر مرغی کا تھوک ریٹ 322 روپے جبکہ پرچون ریٹ 336 روپے کلو تھا، گوشت کی فی کلو قیمت 485 روپے کلو تھی جبکہ انڈے 238 روپے درجن تھے۔