پاکستان انٹرنیشنل ایئرلائن (پی آئی اے) نے کرایوں میں 30 فیصد کمی کا اعلان کردیا۔
پی آئی اے نے کراچی سے جدہ اور مدینہ کے لیے کرایوں میں 30 یفصد کمی کا اعلان کیا ہے، کراچی سے جدہ اور مدینہ جانے کے لیے یکطرفہ کرایہ 56 ہزار بشمول ٹیکس کردیا گیا ہے۔
کراچی سے جدہ اور مدینہ کا دو طرفہ کرایہ 88 ہزار بشمول ٹیکس کردیا گیا ہے۔
ترجمان پی آئی اے کا کہنا ہے کہ رعایتی کرایوں کے ٹکٹ 31 اگست 2024 تک جاری رکائے جاسکیں گے، رعایتی کرائے پر 30 ستمبر 2024 تک سفر کیا جاسکے گا۔
پاکستان انٹرنیشنل ایئر لائنز (پی آئی اے) پاکستان کا قومی ایئر لائن ہے۔ اس کا قیام 1946 میں ہوا اور اس وقت اس کا نام اورینٹ ایئر ویز تھا۔
پاکستان کی آزادی کے بعد اس کا نام پاکستان انٹرنیشنل ایئر لائنز رکھا گیا۔ پی آئی اے کا مرکزی دفتر کراچی میں واقع ہے اور یہاں سے دنیا کے مختلف شہروں کے لیے پروازیں ہوتی ہیں۔
پی آئی اے پاکستان کے علاوہ بیرون ملک بھی اپنی خدمات فراہم کرتی ہے اور ملک کے سفیر کے طور پر اپنا کردار ادا کرتی ہے۔