سونے کی قیمت میں آج بھی بڑا اضافہ، فی تولہ کتنے کا ہوگیا؟

ملک بھر میں سونے کی قیمتیں بڑھنے کا رجحان آج بھی جاری رہا، اور فی تولہ نرخ 1650 روپے بڑھ کر 3 لاکھ 19 ہزار روپے کی نئی بلندیوں پر پہنچ گئے، جس کے بعد یہ عوام کی پہنچ سے مزید دور ہو گیا۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط کے حامل فی تولہ خالص سونے کے نرخ ایک ہزار 650 روپے بڑھ کر 3 لاکھ 19 ہزار روپے تک جا پہنچے۔

اسی طرح 24 قیراط کے حامل 10 گرام سونے کا بھاؤ 1415 روپے بڑھ کر 2 لاکھ 73 ہزار 491 روپے ریکارڈ کیا گیا جبکہ 22 قیراط 10 گرام سونا 2 لاکھ 50 ہزار 700 روپے میں فروخت ہوا۔

ادھر، فی تولہ اور 10 گرام چاندی کی قیمت 3 ہزار 47 اور 2 ہزار 555 روپے پر مستحکم رہی۔

ایسوسی ایشن نے رپورٹ کیا کہ عالمی منڈی میں فی اونس سونا 16 ڈالر اضافے سے 3 ہزار 38 ڈالر پر پہنچ گیا۔

واضح رہے کہ گزشتہ روز (18 مارچ) 24 قیراط سونے کی فی تولہ قیمت 2 ہزار 550 روپے اضافے کے بعد تین لاکھ 17 ہزار 350 روپے کی بلند ترین سطح پر پہنچ گئی تھی۔

اسی طرح 24 قیراط 10 گرام سونا 2 ہزار 186 روپے بڑھ کر 2 لاکھ 72 ہزار 76 روپے کا ہوگیا جبکہ 22 قیراط 10 گرام سونا 2 ہزار 4 روپے مہنگا ہو کر 2 لاکھ 49 ہزار 412 روپے میں فروخت ہوا تھا۔

17 مارچ کو ملک بھر میں سونا آج پھر گیارہ سو روپے مہنگا ہو کر 3 لاکھ 14 ہزار 800 روپے کی نئی بُلند ترین سطح پر پہنچ گیا تھا۔

14 مارچ کو فی تولہ خالص سونا 4 ہزار 700 روپے مہنگا ہو کر 3 لاکھ 14 ہزار روپے کی بُلند ترین سطح پر پہنچا تھا۔