افغان طالبان اور پاکستان کے درمیان تنازع افغان تاجروں کے لیے مسائل پیدا کر گیا ہے۔ پاکستان میں داخلے کے منتظر ٹرکوں پر لدی سبزیاں اور پھل گلنے سڑنے لگے ہیں، جس کے باعث تاجروں کو افغانستان کی مارکیٹوں میں اپنا مال اونے پونے داموں بیچنا پڑ رہا ہے۔
اطلاعات کے مطابق، ٹنوں کے حساب سے انگور خراب ہونے سے تاجروں کو بھاری نقصان ہو رہا ہے۔ دوسری جانب، پاکستان کے ساتھ تعلقات بہتر کر کے تجارت دوبارہ شروع کرنے کا مطالبہ بھی زور پکڑ رہا ہے۔
واضح رہے کہ گزشتہ روز فیڈرل بورڈ آف ریونیو (ایف بی آر) نے کراچی پورٹس سے افغان ٹرانزٹ ٹریڈ کی ٹرانسپورٹیشن روکنے کے احکامات جاری کیے، جس کے بعد کنٹینرز کی طویل قطاریں لگ گئیں۔
ذرائع کا بتانا ہے کہ سیکڑوں کنیٹنرز گاڑیوں پر لوڈ کھڑے ہیں اور سیکڑوں کوئٹہ اور پشاور کے راستوں میں کھڑے ہیں جب کہ ڈرائیور بارڈر کھلنے کا انتظار کر رہے ہیں۔