مہنگائی میں اضافہ، گھی اور آٹے کی قیمتیں بھی بڑھ گئیں

مہنگائی کی شرح میں مزید اضافہ ہو گیا ہے، جس کے نتیجے میں گھی اور آٹا بھی مہنگا ہو گیا۔ وفاقی ادارہ شماریات کی رپورٹ کے مطابق، حالیہ ہفتے مہنگائی کی شرح میں 0.17 فیصد اضافہ ہوا، جبکہ سالانہ بنیاد پر یہ بڑھ کر 3.34 فیصد ہو گئی ہے۔

گزشتہ ہفتے بھی مہنگائی کی شرح میں اضافہ دیکھا گیا۔ رپورٹ کے مطابق ملک میں 6 اشیاء ضروریہ سستی ہوئیں، 21 مہنگی ہوئیں جبکہ 24 اشیاء کی قیمتوں میں اضافہ ہوا۔

مہنگی ہونے والی اشیاء میں انڈے، مرغی، پیاز، گھی اور آٹا شامل ہیں۔ ایک ہفتے کے دوران مرغی کی قیمت میں 8.92 فیصد، انڈوں میں 2.25 فیصد، آٹے میں 5.74 فیصد، پیاز میں 7.47 فیصد، لہسن میں 0.86 فیصد، گھی میں 0.86 فیصد اور گڑ میں 1.70 فیصد اضافہ ہوا۔

سستی ہونے والی اشیاء میں آلو، ٹماٹر، ایل پی جی اور دال چنا شامل ہیں۔ آلو کی قیمت میں 0.93 فیصد، ٹماٹر میں 11.34 فیصد، کیلوں میں 1.29 فیصد، دال چنا میں 0.35 فیصد اور ایل پی جی میں 0.59 فیصد کمی ریکارڈ کی گئی۔