برازیل میں جعل سازوں نے مصنوعی ذہانت (اے آئی) کی مدد سے جعلی کرامات کی دعائیں تیار کر کے سادہ لوح مذہبی افراد کو بیچ کر بھاری رقم کمائی۔
تفصیلات کے مطابق پولیس نے دو سال سے یہ کاروبار کرنے والے 35 افراد کو گرفتار کیا ہے، جو مختلف افراد سے فون یا سوشل میڈیا کے ذریعے رابطہ کرتا، ان کی ذاتی زندگی اور مسائل کے بارے میں معلومات حاصل کرتا اور پھر مصنوعی ذہانت سے ہر شخص کے لیے الگ الگ جعلی دعائیں تیار کر کے فروخت کرتا۔
بند ہونے کے باوجود مائیکروویو، ٹی وی اور چارجر بجلی کیوں خرچ کرتے ہیں؟
رپورٹ کے مطابق ہر دعا کی قیمت تقریباً 10 امریکی ڈالر مقرر تھی، اور یہ دعائیں بیماریوں کے خاتمے یا قسمت سنوارنے کے دعوؤں کے ساتھ بیچی جاتی تھیں۔ کئی متاثرین نے پہلی دعا خریدنے کے بعد مزید دعائیں بھی خریدیں، یہ سمجھتے ہوئے کہ وہ واقعی روحانی مدد حاصل کر رہے ہیں۔پولیس کے مطابق اے آئی ٹیکنالوجی نے اس دھوکے کو مزید مؤثر بنایا کیونکہ تیار کردہ دعائیں جذباتی انداز میں لکھی جاتی تھیں، جو لوگوں کے عقیدے اور امیدوں کو بھنانے کا ذریعہ بن گئیں۔
روس کی خاتون نے آنکھوں کا رنگ بدل لیا تاکہ بچہ نیلی آنکھوں والا پیدا ہو
تحقیقات کے بعد ملزمان پر فراڈ اور مجرمانہ سازش کے الزامات عائد کئے گئے اور پولیس نے شہریوں سے اپیل کی کہ وہ متاثر ہونے کی صورت میں رپورٹ درج کرائیں تاکہ مزید ثبوت اکٹھے کئے جا سکیں۔