پاکستان اسٹاک ایکسچینج میں دوسرے روز بھی تیزی کا رجحان برقرار رہا جس کے باعث انڈیکس نے ایک بار پھر ایک لاکھ ، 67 ہزار کی حد عبور کر لی ، تبادلہ مارکیٹ میں ڈالر بھی معمولی سستا ہو گیا۔
کاروباری ہفتے کے تیسرے روز اسٹاک مارکیٹ میں کاروبار کا زبردست آغاز ہوا ، 100 انڈیکس میں 1592 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 67 ہزار68 پوائنٹس پر ٹریڈ کرتے دیکھا گیا۔
سونا مزید مہنگا، فی تولہ 4 لاکھ 22 ہزار 700روپے کا ہو گیا
گزشتہ روز بھی اسٹاک مارکیٹ میں زبردست تیزی کے باعث انڈیکس میں 7 ہزار سے زائد پوائنٹس کا اضافہ ہوا تھا ، گزشتہ روز مارکیٹ میں 44 ارب 82 کروڑ 78 لاکھ 78 ہزار 166 روپے مالیت کے 58 کروڑ 68 لاکھ 48 ہزار 420 شیئرز کا لین دین ہوا تھا۔
دوسری جانب ڈالر کی قیمت میں بھی کمی ریکارڈ کی گئی ، ایکسچینج کمپنیز ایسوایشن کے مطابق انٹر بینک میں تین پیسے کی کمی کے بعد ڈالر کی قیمت 281 روپے 12 پیسے ہو گئی۔