سام سنگ نے اپنی مشہور ایم سیریز کا نیا اسمارٹ فون گلیکسی ایم17 متعارف کروا دیا ہے۔
سام سنگ کے متعارف کرائے گئے نئے اسمارٹ فون گلیکسی ایم 17 کو کیمروں اور میموری آپشنز کی وجہ سے بہترین سمجھا جا رہا ہے۔ جو گزشتہ ماہ لانچ ہونے والے گلیکسی ایف 17 کا نیا ورژن ہے۔
گلیکسی ایم 17 اس سیریز کا سب سے سستا ماڈل ہے۔ کمپنی نے اس فون کو 6.7 انچ اسکرین، فنگر پرنٹ سینسر سمیت دیگر سیکیورٹی فیچرز سمیت متعارف کرایا گیا ہے۔ اس موبائل فون میں طاقتور بیٹری بھی دی گئی ہے۔
سام سنگ ”ایم 17” کی بیٹری 5 ہزار ایم ایچ ہے اور اسے 25 واٹ تیز چارجر کے ساتھ پیش کیا گیا ہے۔ اس موبائل میں 4، 6 اور 8 جی بی ریم جبکہ 128 جی بی میموری ہے۔
اس موبائل فون کے پیچھے 3 کیمرے جبکہ سامنے ایک ہی کیمرا دیا گیا ہے۔ تاہم کمپنی کے مطابق کیمرا ٹیکنالوجی کو پہلے سے زیادہ بہتر کیا گیا ہے۔ فون کے پیچھے مین کیمرا 50 میگا پکسل، دوسرا 5 اور تیسرا 2 میگا پکسل ہے۔ جبکہ سامنے کا کیمرہ 13 میگا پکسل کے ساتھ ہے۔
یہ بھی پڑھیں: نیٹ فلکس نے ٹی وی ویڈیو گیمز کھیلنے کی سہولت پیش کر دی
ابتدائی طور پر کمپنی نے اس فون کو محدود ممالک میں فروخت کے لیے پیش کیا ہے۔ جس کی قیمت مختلف ممالک مقامی کرنسی کے مطابق ہو گی۔ کہا جا رہا ہے کہ پاکستان میں متعارف کرائے جانے کے بعد اس فون کی قیمت 55 سے 65 ہزار روپے کے درمیان ہو سکتی ہے۔