اسلام آباد: چیئرمین تعلیمی بورڈ راولپنڈی نے ضلع جہلم میں امن و امان کی صورتحال کے پیش نظر امتحان ملتوی کر دیا۔
چیئرمین تعلیمی بورڈ راولپنڈی کے اعلامیہ کے مطابق ضلع جہلم میں امن و امان کی صورتحال کے پیش نظر میٹرک سیکنڈ اینول 2025 کا انگلش پیپر ملتوی کر دیا گیا ہے۔ ڈپٹی کمشنر جہلم کی درخواست پر صبح و شام دونوں شفٹوں کے پیپر ملتوی کیے گئے ہیں۔
میٹرک سیکنڈ اینول کے انگریزی امتحان کی نئی تاریخ کا اعلان بعد میں کیا جائے گا۔
اعلامیہ کے مطابق راولپنڈی ڈویژن کے دیگر اضلاع میں میٹرک سیکنڈ اینول 2025 کے امتحانات شیڈول کے مطابق ہوں گے۔
یہ بھی پڑھیں: پنجاب بھر میں انٹرمیڈیٹ پارٹ ون کے نتائج کا اعلان 15 اکتوبر کو کیا جائے گا
چیئرمین بورڈ کے مطابق اٹک، چکوال، راولپنڈی، تلہ گنگ اور مری میں امتحان مقررہ وقت پر منعقد ہوں گے۔ اور امیدواران اپنے الاٹ شدہ امتحانی مراکز پر بروقت پہنچیں۔