وزیر اعلیٰ خیبرپختونخوا کے استعفیٰ کے بعد اپوزیشن بھی متحرک ہوگئی،قائد حزب اختلاف ڈاکٹر عباداللہ نے پارلیمانی لیڈرز کا اجلاس طلب کرلیا۔
ترجمان کے مطابق اجلاس کل 9 اکتوبر بروز جمعرات منعقد ہوگا،اجلاس میں سیاسی صورتحال اور آئندہ حکمتِ عملی پر غور ہوگا۔
سہیل آفریدی وزیراعلیٰ خیبرپختونخوا نہیں بنیں گے،ندیم افضل چن کا دعویٰ
دوسری جانب خیبر پختونخوا کابینہ کا کل طلب کیا گیا اجلاس ملتوی کردیا گیا،خیبرپختونخوا کابینہ کا اجلاس کل دوپہر2 بجے طلب کیا گیا تھا۔
دریں اثنا علی ظفر کا کہنا ہے کہ بانی پی ٹی آئی نے ہدایات پر عملدرآمد کرنے میں ناکامی پر علی امین گنڈاپور کو ہٹایا،سہیل آفریدی کے ساتھ ہمارے سینئر لوگ کابینہ میں شامل ہوں گے۔
یہ نہیں ڈسکس کیا گیا سہیل آفریدی کو بانی پی ٹی آئی نے کیوں چنا، اس میں کوئی قانونی رکاوٹ نہیں ،پی ٹی آئی میں آمریت نہیں،بانی پی ٹی آئی کے فیصلے پر پوراعملدرآمد ہوگا،ہمار ے نمبرز پورے ہیں،سہیل آفریدی ہی وزیراعلیٰ خیبر پختونخوا بنیں گے۔