سام سنگ کے اسمارٹ فون گلیکسی ایس 26 الٹر کے حوالے سے لیکس نے ٹیک کمیونٹی میں خاصی ہلچل پیدا کر دی۔
رپورٹ کے مطابق سام سنگ اپنے آنے والے فلیگ شپ فون میں ایک انقلابی فیچر پرائیویسی ڈسپلے متعارف کرا سکتا ہے۔ یہ فیچر صارفین کو پبلک مقامات پر اسکرین کی پرائیویسی برقرار رکھنے میں مدد دے گا۔
لیک میں بتایا گیا ہے کہ یہ ٹیکنالوجی اس طرح ڈیزائن کی گئی ہے کہ اطراف میں بیٹھے افراد یا اجنبی اسکرین پر نظر نہ ڈال سکیں۔ پرائیویسی ڈسپلے خودکار طور پر ہجوم یا عوامی جگہوں پر ایکٹیویٹ ہوسکتا ہے۔
سماجی رابطے کی ویب سائٹ ایکس پر ایک معروف ٹیک بلاگر نے One UI 8.5 کے ٹیئر ڈاؤن میں اس فیچر کی جھلک شیئر کی۔
صارفین کو اس فیچر کے حوالے سے کسٹمائزیشن آپشنز بھی دیئے جائیں گے۔ جیسے کہ کب ایکٹیویٹ ہو۔ اور کون سی ایپس یا کون سا مواد محفوظ رکھا جائے۔
یہ بھی پڑھیں: آئی فون 17 سیریز پاکستان میں فروخت کے لیے پیش ، قیمتوں کا اعلان
سام سنگ کی جانب سے ابھی تک اس حوالے سے کوئی باضابطہ تصدیق نہیں کی گئی۔ فی الحال پرائیویسی ڈسپلے کو ایک دلچسپ لیکن غیر تصدیق شدہ جدت قرار دیا جا رہا ہے۔