اسرائیل نے یمن کے الحدیدہ بندرگاہ پر ایک بار پھر فضائی حملے کیے ہیں۔ عرب میڈیا کے مطابق، اسرائیلی فوج نے بندرگاہ پر 12 فضائی کارروائیاں کیں جو تقریباً 10 منٹ تک جاری رہیں۔
اسرائیلی فوج کا کہنا ہے کہ یہ حملے حوثیوں کی فوجی سرگرمیوں کے جواب میں کیے گئے اور اس دوران حوثیوں کے 10 اہم مقامات کو نشانہ بنایا گیا۔
اسرائیلی فوج نے الزام عائد کیا ہے کہ الحدیدہ بندرگاہ کے ذریعے حوثی ایران سے اسلحہ وصول کرتے ہیں۔
حملے سے قبل اسرائیلی فوج نے الحدیدہ بندرگاہ اور لنگر انداز جہازوں کو خالی کرنے کی وارننگ جاری کی تھی۔
عینی شاہدین اور بندرگاہ کے ذرائع کے مطابق، حملوں کا ہدف وہ تین ڈوکس تھے جو پچھلے حملوں کے بعد دوبارہ بحال کیے گئے تھے۔
دوسری جانب حوثیوں نے اسرائیلی فوج کی جارحیت کے جواب میں اسرائیل پر بیلسٹک میزائل داغ دیا جس کے بعد اسرائیل کےکچھ علاقوں میں سائرن بج اٹھے۔
حوثی ترجمان نے کہا کہ وہ اسرائیلی فوج کی وحشیانہ کارروائیوں کے خلاف اقدامات کرتے رہیں گے۔