راولپنڈی، سابق وزیراعظم اور پاکستان تحریک انصاف کے بانی عمران خان سے اڈیالہ جیل میں سوشل میڈیا اکاؤنٹس کے حوالے سے تفتیش کی گئی، جس کی اندرونی تفصیلات سامنے آگئی ہیں۔
ذرائع کے مطابق نیشنل سائبرکرائم انویسٹی گیشن ایجنسی (این سی سی آئی اے) کی خصوصی ٹیم اڈیالہ جیل پہنچی اور بانی پی ٹی آئی سے مختلف سوالات کیے۔
ذرائع کا کہنا ہے کہ تفتیش کے دوران جب عمران خان سے پوچھا گیا کہ جیل کے اندر سے آپ کے پیغامات سوشل میڈیا ٹیم تک کیسے پہنچتے ہیں؟ توانہوں نے جواب دیا کہ کوئی خاص پیغام رساں موجود نہیں بلکہ جب کوئی ملاقات کے لیے آتا ہے تو وہی پیغام باہر ٹیم تک پہنچا دیتا ہے۔
ذرائع کے مطابق عمران خان نے مزید کہا کہ اگرانہوں نے بتا دیا کہ سوشل میڈیا اکاؤنٹس کون چلاتا ہے تو وہ شخص اغوا کرلیا جائے گا، اس لیے وہ کسی بھی فرد کا نام ظاہر نہیں کریں گے۔
اس دوران ذرائع نے بتایا کہ سوال و جواب کے دوران عمران خان کچھ حد تک برہم بھی ہوئے۔
سپریم کورٹ،ریٹائرڈ ججز کی بیواؤں کو سیکیورٹی دینے کا نوٹیفکیشن واپس
ادھراین سی سی آئی اے حکام نے تفتیشی رپورٹ تیار کرنے کے بعد مزید اقدامات کے لیے اعلیٰ حکام کو آگاہ کردیا ہے، معاملے پر بانی پی ٹی آئی اور ان کی ٹیم کی جانب سے تاحال کوئی باضابطہ ردعمل سامنے نہیں آیا۔