آئی سی سی نے پاکستان کرکٹ بورڈ (پی سی بی) کا ایشیا کپ سے میچ ریفری اینڈی پائی کرافٹ کو ہٹانے کا مطالبہ مسترد کر دیا۔ ذرائع کے مطابق آئی سی سی نے پی سی بی کے اس مطالبے کو مسترد کیے جانے سے بورڈ کو باضابطہ طور پر آگاہ کر دیا ہے۔
ذرائع کا کہنا ہے کہ اس کے بعد پی سی بی مستقبل کے لائحہ عمل کے لیے حکومت سے مشاورت کر سکتا ہے۔
پی سی بی چیئرمین محسن نقوی کی اہم حکومتی عہدیداروں سے آج مشاورت متوقع ہے۔
بھارتی میڈیا کا دعویٰ ہے کہ آئی سی سی نے پاکستان کے مطالبے کو مسترد کر دیا ہے۔ اس کے بعد پی سی بی جلد اپنا موقف جاری کرے گا، خاص طور پر پاک-بھارت میچ کے ریفری کے حوالے سے۔
ذرائع کے مطابق پی سی بی ایشیا کپ کے حوالے سے اگلے چند گھنٹوں میں حتمی فیصلہ کرے گا اور بورڈ اپنا مؤقف پیش کرے گا۔
اگر پاکستان کا مطالبہ قبول نہ کیا گیا تو ٹیم ایشیا کپ سے دستبرداری کا امکان رکھتی ہے۔
اس سے قبل بھارتی کرکٹ ویب سائٹ نے دعویٰ کیا تھا کہ انٹرنیشنل کرکٹ کونسل (آئی سی سی) نے پاک بھارت میچ کے ریفری اینڈی پائی کرافٹ کو ہٹانےکی پاکستان کی درخواست مسترد کردی ہے۔
بھارتی ویب سائٹ کے مطابق آئی سی سی نے گزشتہ رات پاکستان کرکٹ بورڈ کو اس متعلق بتادیا تھا۔
پاکستان نے ہینڈ شیک کےمعاملے میں آئی سی سی کومیچ ریفری پائیکرافٹ کوایشیا کپ سےہٹانےکا مطالبہ کیا تھا۔