عالمی اور مقامی مارکیٹ میں سونے کی قیمت میں آج ایک بار پھر نمایاں اضافہ دیکھنے میں آیا۔ رپورٹ کے مطابق انٹرنیشنل بلین مارکیٹ میں فی اونس سونا 49 ڈالر مہنگا ہو کر 3 ہزار 692 ڈالر کی نئی ریکارڈ سطح پر پہنچ گیا۔
عالمی سطح پر اضافے کے بعد مقامی صرافہ مارکیٹ میں بھی سونا مہنگا ہوگیا، فی تولہ قیمت 4 ہزار 700 روپے بڑھ کر 3 لاکھ 91 ہزار روپے کی بلند ترین سطح پر جا پہنچی۔
اسی طرح فی دس گرام سونا 4 ہزار 30 روپے اضافے کے ساتھ 3 لاکھ 35 ہزار 219 روپے کا ہو گیا، جو ملکی تاریخ کی نئی بلند ترین سطح ہے۔