چین کی مشہور بیٹری ساز کمپنی CATL نے یورپ کے لیے شین شنگ پرو نامی سپر فاسٹ چارجنگ، طویل رینج اور لمبی عمر والی نئی بیٹری ٹیکنالوجی متعارف کرا دی ہے۔
کمپنی کے مطابق یہ بیٹری الیکٹرک گاڑیوں کے استعمال میں اہم سنگ میل ثابت ہوگا، کیونکہ یہ نہ صرف طویل فاصلہ طے کرنے کی صلاحیت رکھتی ہے بلکہ چند منٹوں میں چارج ہونے کی صلاحیت بھی رکھتی ہے۔
CATL نے میونخ میں منعقد یورپ کے سب سے بڑے آٹو ایکسپو میں اس بیٹری کو لانچنگ کیا، کمپنی کے مطابق شین شنگ پرو بیٹری کا پہلا ورژن 122 کلو واٹ آور پیک پر مشتمل ہے, جو 470 میل تک کی رینج فراہم کرتا ہے، اس بیٹری کو صرف 15 منٹ میں 10 فیصد سے 80 فیصد تک چارج کیا جا سکتا ہے۔
پی ٹی اے نے نان رجسٹرڈ موبائل فونز خرید و فروخت کو جرم قرار دے دیا
شین شنگ پرو بیٹری کا دوسرا ورژن 110 کلو واٹ آور پر مبنی ہے، جو صرف 10 منٹ میں 80 فیصد چارج ہو کر 478 کلومیٹر کی رینج فراہم کرتا ہے، کمپنی نے سوشل میڈیا پر اسے الیکٹرک گاڑیوں کے خدشات کا حل قرار دیا۔
کمپی کے مطابق بیٹری کی سب سے بڑی خصوصیت اس کی پائیداری ہے، یہ بیٹریاں ایک ملین کلومیٹر تک 70 فیصد صلاحیت برقرار رکھ سکتی ہیں، جبکہ ابتدائی دو لاکھ کلومیٹر میں صرف 9 فیصد تک ظاہر کرتی ہیں، جو اسے موجودہ بیٹری ٹیکنالوجی سے کہیں زیادہ قابل اعتماد بناتا ہے۔
چین کی یہ بیٹری ساز کمپنی یورپ میں اپنی پوزیشن مزید مضبوط کرنے کے لیے 12.9 ارب ڈالر کی سرمایہ کاری بھی کر رہی ہے، اس منصوبے کے تحت جرمنی، ہنگری اور اسپین میں بیٹری مٹیریل پروڈکشن، ری سائیکلنگ اور مینوفیکچرنگ کی فیکٹریوں کا قیام شامل ہے۔
پاکستان دنیا کے ٹاپ 5 اے آئی استعمال کرنے والے ممالک میں شامل
کمپنی کے مطابق اس نئی بیٹری ٹیکنالوجی کے ذریعے وہ یورپی صارفین کو الیکٹرک گاڑیوں کی طویل رینج اور فوری چارجنگ کے حوالے سے درپیش خدشات کا حل پیش کرے گی۔
ماہرین کے مطابق اس بیٹری کی مارکیٹ میں کامیابی سے یورپی آٹو انڈسٹری میں وی ڈبلیو اور پورشے جیسی کمپنیوں کے لیے سخت مشکل کا شکار ہوگی، کیونکہ چینی کمپنیوں کی تیزی سے بڑھتی ہوئی موجودگی پہلے ہی مارکیٹ شیئر کو متاثر کر رہی ہے۔