ایشیائی ترقیاتی بینک (asian development bank) نے پاکستان کے لیے 30لاکھ ڈالر ہنگامی امداد کا اعلان کیا ہے ۔
صدرایشیائی ترقیاتی بینک کا کہنا ہے کہ فنڈز ایشیا پیسفک ڈیزاسٹر رسپانس فنڈ سے فراہم کیے جائیں گے،جو سیلاب سے متاثرہ خاندانوں کی بحالی پر خرچ ہونگے۔
آن لائن کاروبار کے نئے قواعد و ضوابط جاری
صدرایشیائی ترقیاتی بینک نے شدید بارشوں اور سیلاب سے جانی نقصان پر اظہار افسوس بھی کیا، قبل ازیں اقوام متحدہ نے بھی پاکستان کے سیلاب متاثرین کیلئے 6 لاکھ ڈالر امداد کا اعلان کیا تھا۔
ترجمان اقوام متحدہ کے مطابق ابتدائی طور پر متاثرین کیلئے 6 لاکھ ڈالر جاری کیے گئے ہیں، امدادی کارروائیوں کی قیادت پاکستانی حکام کر رہے ہیں،اقوام متحدہ اور مقامی شراکت دار تعاون فراہم کر رہے ہیں۔