جولائی 2025 میں پاکستان کو مجموعی طور پر 69 کروڑ ڈالرز سے زائد کی غیر ملکی فنڈنگ موصول ہوئی، جو مختلف ترقیاتی منصوبوں، معاشی استحکام اور مالی ضروریات کو پورا کرنے کے لیے استعمال کی جائے گی۔
وزارتِ اقتصادی امور کی رپورٹ کے مطابق نئے مالی سال کے پہلے مہینے جولائی 2025 میں پاکستان کو 69 کروڑ 45 لاکھ ڈالرز کی غیر ملکی فنڈنگ موصول ہوئی۔
اعدادوشمار کے مطابق جون 2025 میں غیر ملکی فنڈنگ 5 ارب 25 کروڑ ڈالرز رہی تھی جس کے مقابلے میں جولائی میں 4 ارب 55 کروڑ ڈالرز کی بڑی کمی ریکارڈ کی گئی۔
سالانہ بنیادوں پر دیکھا جائے تو جولائی 2024 میں پاکستان کو 43 کروڑ 64 لاکھ ڈالرز کی فنڈنگ ملی تھی جو جولائی 2025 میں بڑھ کر تقریباً 26 کروڑ ڈالرز زیادہ ہو گئی۔
رپورٹ میں بتایا گیا ہے کہ اگرچہ ماہانہ بنیادوں پر بڑی کمی سامنے آئی ہے لیکن گزشتہ سال کے مقابلے میں بیرونی فنڈنگ میں اضافہ ریکارڈ کیا گیا ہے۔