اسلام آباد: وفاقی دارالحکومت کے علاقے ترنول میں 50 سے زائد گدھے اور بڑی مقدار میں گوشت برآمد کر لیا گیا۔
وفاقی دارالحکومت میں فوڈ اتھارٹی کی جانب سے کارروائی کی گئی۔ لاہور کے بعد اسلام آباد سے بھی گدھے کا گوشت برآمد کر لیا گیا۔ ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق کی نگرانی میں کارروائی کی گئی۔
ڈائریکٹر فوڈ اتھارٹی کی جانب سے ملوث افراد کے خلاف فی الفور مقدمہ درج کرنے کا حکم دے دیا گیا۔ جبکہ فوڈ اتھارٹی ٹیم کی جانب سے گوشت کو تلف کیا گیا۔
یہ بھی پڑھیں: مالی سال 2025 میں ریکارڈ 38.3 ارب ڈالر ترسیلات زر موصول ہوئیں، وزیر اعظم
ڈپٹی ڈائریکٹر فوڈ اتھارٹی ڈاکٹر طاہرہ صدیق نے کہا کہ فوڈ اتھارٹی ٹیم کی جانب سے ٹوٹل 25 من گوشت برآمد کیا گیا۔ اور موقع پر موجود ایک غیر ملکی شہری کو پولیس کے حوالے کیا گیا ہے۔
انہوں نے کہا کہ گوشت کن کن علاقوں میں سپلائی کیا گیا۔ اس کی تفتیش جاری ہے۔ گوشت کو غیر ملکی شہریوں کے کھانے کے لیے استعمال کرنے کی تحقیقات جاری ہیں۔ جبکہ شہر میں محفوظ غذا کی فراہمی کے لیے فوڈ اتھارٹی دن رات کوشاں ہے۔