پاک فوج کے ترجمان لیفٹیننٹ جنرل احمد شریف چوہدری نے کہا ہے کہ بھارت نے دہشتگردی کو پالیسی کے طور پر پاکستان کیخلاف اپنایا ہوا ہے۔
الجزیرہ ٹی وی کو انٹرویو دیتے ہوئے ڈی جی آئی ایس پی آر لیفٹیننٹ جنرل احمد شریف چوہدری نے کہا کہ بھارتی سرپرستی میں ہونے والی دہشتگرد ی کے نیٹ ورک کا ماسٹر مائنڈ اجیت دوول ہے ،امریکا اور کینیڈا سمیت کئی ممالک بھارتی ریاستی دہشتگردی کا اعتراف کر چکے ہیں۔
جہاد کا اعلان صرف ریاست کر سکتی ہے ، کسی فرد یا گروہ کو اختیار نہیں ، ترجمان پاک فوج
ان کا کہنا تھا کہ بھارت کے مذموم عزائم بلوچستان کو غیر مستحکم کرنے کی منظم سازش ہے،خوارج کی اصطلاح ریاست اور فوج پر حملہ آور ہونے والے مسلح گروہوں کیلئے استعمال کی جا رہی ہے، موجودہ فتنہ الخوارج اس گمراہ کن نظریے کا تسلسل ہے۔
انہوں نے مزید کہا کہ اسلام میں جہاد یا قتال کا اختیار صر ف ریاست کے پاس ہے، کسی فرد ، تنظیم یا گروہ کو جہاد یاقتال کا اختیار نہیں، فتنہ الخوارج کا اسلام، انسانیت ، پاکستان یا پاکستانی روایات سے کوئی تعلق نہیں۔
ڈی جی آئی ایس پی آر نے کہا کہ فتنہ الہندوستان کی اصطلاح بھارتی حمایت یافتہ دہشتگردوں کیلئے استعمال ہوتی ہے، فتنہ الہندوستان خاص طور پر بلوچستان میں ملک کو غیر مستحکم کرنے کیلئے سرگرم ہیں۔ بھارتی سیاسی قیادت متعدد مواقع پر پاکستان میں دہشتگردی کی پشت پناہی کا اعتراف کر چکی ہے۔
بلوچستان پاکستان کا حصہ ، کبھی الگ نہیں ہو سکتا ، ترجمان پاک فوج
لیفٹیننٹ جنرل احمد شریف چوہدری کا کہنا تھا کہ پاکستان ایک ذمہ دار اور ڈکلئیرڈ ایٹمی طاقت ہے جس کی جوہری صلاحیت ناقابل تسخیر ہے، پاکستان کا ایٹمی پروگرام مکمل طور پر محفوظ ہے اور کوئی بھی پاکستان کے ایٹمی پروگرام کو نشانہ بنانے کی جرات نہیں کر سکتا، یہ پاکستان کی دفاعی صلاحیتوں اور موجودہ علاقائی توازن پر اعتماد کی عکاسی کرتا ہے۔
انہوں نے مزید کہا کہ پاکستان نے اسلامی ریاست کے خلاف کسی بھی جارحیت کوعلاقائی استحکام کے لیے خطرہ قراردیا ہے، ڈی جی آئی ایس پی آر نے ایران کے لیے پاکستان کی سیاسی اور سفارتی حمایت کا اعادہ کیا۔