ٹریڈنگ کے دوران پندرہ سو سے زائد پوائنٹس کا اضا فہ ہو گیا۔ ہنڈرڈ انڈیکس ایک لاکھ تینتیس ہزار چار سو چھیاسی پوائنٹس کی سطح پر پہنچ گیا۔
پاکستان اسٹاک ایکسچینج میں نئے مالی سال کے پہلے روز ہی کاروبار کا مثبت رجحان جاری ہے اور پیر کو کاروباری ہفتے کے پہلے روز جب کہ مارکیٹ میں مسلسل ساتویں روز کاروبار کا شاندار انداز میں آغاز ہوا ہے۔
پیر کو کاروبار کے آغاز پر ہی 100 انڈیکس میں 1187 پوائنٹس کا اضافہ ہوگیا جس سے انڈیکس ایک لاکھ 33 ہزار 137 کی نئی بلند ترین سطح پر پہنچ گیا۔
گزشتہ ہفتے پاکستان اسٹاک ایکسچینج کا 100 انڈیکس ہفتے بھر میں 7570 پوائنٹس اضافے سے 131949 پر بند ہوا اور کاروباری ہفتے میں انڈیکس 7629 پوائنٹس کے بینڈ میں رہا۔
100 انڈیکس کی ہفتہ وار کم ترین سطح 124500 رہی اور بلند ترین سطح 132129 رہی جب کہ بازار میں ایک ہفتے میں 4 ارب 83 کروڑ شیئرز کے سودے ہوئے۔
شیئرز بازار کے ہفتہ وار کاروبار کی مالیت 206 ارب روپے رہی اور مارکیٹ کیپٹلائزیشن 847 ارب روپے بڑھ کر 15910 ارب روپے ہوگئی۔