محکمہ موسمیات نے کراچی میں 20 سے 23 اپریل تک ہیٹ ویو کا امکان ظاہر کیا ہے۔
کراچی میں گرمی کی شدت میں اضافہ ہونے لگا ہے، محکمہ موسمیات نے کراچی کے شہریوں کو غیر ضروری باہر نہ نکلنے کی ہدایت کر دی ہے۔
محکمہ موسمیات کا کہنا ہے کہ کراچی میں آج سے درجہ حرارت میں ایک سے دو ڈگری کا اضافہ ہونے کی توقع ہے، کل سے سمندری ہوائیں بند رہیں گی اس سے درجہ حرارت میں نمایاں اضافہ متوقع ہے۔
اسلام آباد سمیت مختلف علاقوں میں آندھی اور گرج چمک کے ساتھ مزید بارش کی پیشگوئی
کراچی میں کل سے 23 اپریل تک ہیٹ ویو کی صورتحال پیدا ہو سکتی ہے اور درجہ حرارت 40 ڈگری سینٹی گریڈ تک جانے کا امکان ہے۔رات کو بھی موسم معمول سے زیادہ گرم ہو سکتا ہے۔
محکمہ موسمیات نے شہریوں کو مشورہ دیتے ہوئے کہا ہے کہ سورج کی براہ راست تپش سے بچیں، دن کے اوقات میں باہر نکلنے سے گریز کیا جائے، گرمی سے بچنے کیلئے پانی کا استعمال زیادہ سے زیادہ کریں۔