بانی پی ٹی آئی عمران خان سے آج ملاقات کے لیے پارٹی رہنماؤں اور خاندان کے افراد کی فہرستیں اڈیالہ جیل حکام کو بھیج دی گئیں۔
ملاقات کی فہرست والوں میں 6 پارٹی رہنماؤں کے علاوہ 4 خاندان کے افراد کے نام بھی شامل ہیں ،بیرسٹر سلمان اکرم راجہ نے ناموں کی فہرست اڈیالہ جیل حکام کو بھیجی ہے۔
عمران خان کی کتب فراہمی اور بچوں سے فون پر گفتگو کی درخواستیں منظور
بانی پی ٹی آئی سے ملنے والے پارٹی رہنماؤں میں عمر ایوب، شبلی فراز، نیاز اللّٰہ نیازی، چیئر مین سنی اتحاد کونسل صاحبزادہ حامد رضا، مجلس وحدتِ مسلمین کے قائد علامہ راجہ ناصر عباس شامل ہیں۔
اس کے علاوہ فہرست میں عمران خان کی بہنوں علیمہ خان، نورین، عظمیٰ خانم اور کزن قاسم خان کے نام بھی شامل ہیں ، ترجمان پی ٹی آئی نے بتایا ہے کہ منگل کو بانی پی ٹی آئی کی فیملی سے ملاقات نہیں کرائی گئی تھی۔