امریکی ریاست الاباما میں ایک خاتون نے6 کلو گرام وزنی بچی کو جنم دے کر ڈاکٹروں سمیت سب کو حیران کر دیا۔
غیر ملکی میڈیا رپورٹ کے مطابق الاباما میں ایک خاتون پامیلا مین کے ہاں ایک بچی کی پیدائش ہوئی جس کا نام پیرس ہیلو رکھا گیا جسے ڈاکٹروں نے پیرس کی پیدائش 16 دن پہلے ہوئی تھی، لیکن وہ پہلے ہی اتنی بڑی ہے کہ وہ 6 ماہ کے بچوں کے لیے بنائے گئے کپڑے پہن سکتی ہے،سی سیکشن کے ذریعے پیدا کیا۔
رپورٹ کے مطابق پیدائش کے وقت بچی کا وزن(6 کلو گرام) 13 پاؤنڈ 4 اونس تھا، جو کہ ایک صحت مند بچے کے اوسط وزن (تقریباً 7 پاؤنڈ) سے تقریباً دوگنا ہے۔ پیدائش سے پہلے ڈاکٹروں نے بچے کا وزن کا اندازہ تقریباً 8 پاؤنڈ اور بعد میں 10 پاؤنڈ لگایا تھا لیکن جب وہ پیدا ہوئی تو اس کا وزن بہت زیادہ تھا جو کہ 13 پاؤنڈ 4 اونس کی ہوئی, بچی کی ماں نے بھی وزنی بیٹی کی پیدائش پر حیرانگی کا اظہار کیا۔ بتایا گیا کہ ہسپتال کی نرسیں جب بھی بچی کا معائنہ کرنے جاتی ہیں تو سائز دیکھ کر حیران رہ جاتی ہیں، پیرس کی والدہ پامیلا نے کہا کہ میری بیٹی صرف تین دن کی عمر میں ہی مشہور ہوگئی۔
پیرس کی پیدائش دو ہفتے قبل ہوئی تھی، لیکن وہ پہلے ہی اتنی بڑی ہے کہ وہ 6 ماہ کے بچوں کے لیے بنائے گئے کپڑے بھی پہن سکتی ہے۔ گنیز ورلڈ ریکارڈ کے مطابق 1955 میں اٹلی میں پیدا ہونے والے ایک بچے کا وزن 22 پاؤنڈ یعنی تقریباً 10 کلو گرام تھا جو کہ ایک عالمی ریکارڈ ہے۔