امریکی بزنس ٹائیکون ایلون مسک نے “گروکی پیڈیا “(Grokipedia) کے نام سے نیا آن لائن انسائیکلوپیڈیا متعارف کروا دیا ہے، جسے انہوں نے ویکیپیڈیا کا متبادل قرار دیا ہے۔
ایلون مسک نے کہا کہ گروکی پیڈیا کا مقصد ہے “سچ، صرف سچ اور مکمل سچ” اور یہ پلیٹ فارم تعصب سے پاک معلومات فراہم کرے گا۔
The goal of Grok and is the truth, the whole truth and nothing but the truth.
We will never be perfect, but we shall nonetheless strive towards that goal.
— Elon Musk (@elonmusk) October 28, 2025
دلچسپ بات یہ ہے کہ ایلون مسک کے نئے اینسائیکلو پیڈیا کی لانچنگ کے کچھ ہی دیر بعد ویکی پیڈیا پر اس کے بارے میں ایک تفصیلی مضمون چھپ چکا تھا۔ اس مضمون میں گروکی پیڈیا کے بارے میں تمام ضروری معلومات دستیاب ہیں۔
لانچ کے وقت گروکی پیڈیا کے ورژن 0.1 میں 885,000 سے زائد مضامین موجود تھے، جبکہ ویکی پیڈیا پر صرف انگریزی میں 7 ملین سے زیادہ آرٹیکلز ہیں۔
ایلون مسک نے کہا کہ آئندہ آنے والا ورژن 1.0 “موجودہ سے دس گنا بہتر” ہوگا۔ ان کا کہنا تھا کہ لانچ میں تاخیر اس لیے کی گئی تاکہ پلیٹ فارم سے “پروپیگنڈا ختم کیا جا سکے”۔
مسک ماضی میں ویکی پیڈیا پر ’ نظریاتی طور پر بائیں بازو کے زیرِ اثر‘ ہونیکا الزام عائد کر چکے ہیں۔ 2024 میں انہوں نے ویکی پیڈیا کو “لیفٹ ایکٹیوسٹس کے کنٹرول میں” قرار دیا تھا اور لوگوں سے اس کے لیے عطیات بند کرنے کی اپیل کی تھی۔
Cool. I’m reading these for the first time btw.
Grok generated about 1M articles using a lot of compute.
You will be able to ask Grok to add/modify/delete articles and it will either take the action or tell you it won’t and why.
— Elon Musk (@elonmusk) October 28, 2025
گروکی پیڈیا کا مواد مصنوعی ذہانت (AI) اور xAI کے چیٹ بوٹ ’گروک‘ (Grok) کے ذریعے تیار کیا جاتا ہے۔ پلیٹ فارم پر موجود ایک مضمون میں لکھا ہے کہ مسک نے “ٹیکنالوجی، آبادی میں کمی، اور ادارہ جاتی تعصبات” جیسے موضوعات پر عالمی سطح پر جاری بحث کو متاثر کیا ہے۔
خیال رہے کہ ویکی پیڈیا، جو 2001 میں قائم ہوا، ایک رضاکارانہ منصوبہ ہے جسے عطیات کے ذریعے چلایا جاتا ہے اور جس میں دنیا بھر کے صارفین مضامین لکھ اور ایڈٹ کر سکتے ہیں۔ ویکی پیڈیا انتظامیہ کا مؤقف ہے کہ اس کے تمام مضامین “غیر جانبدارانہ نقطۂ نظر” کے تحت تیار کیے جاتے ہیں۔